བོད་རིགས་མཐོ་རིམ་སློབ་མའི་ཚོགས་ཆེན་གྱི་གསལ་བསྒྲགས།

༄༅། །འཛམ་གླིང་ཤར་ནུབ་རྒྱལ་ཁབ་གང་སར་བཞུགས་པའི་རྒྱ་ཆེའི་ཀློག་པ་པོ་དང་བོད་རིགས་མཐོ་རིམ་སློབ་མའི་ཚོགས་ཆེན་ལ་རྒྱབ་སྐྱོར་གནང་མཁན་དག་གིས་གཟིགས་པར་ཞུ།

གནས་འགྲོ་མའི་སྐྱོ་གར།

ས་རཱ་མཐཐོ་སློབ། འབྲོང་རྒོད། དང་པོ། ལོ་ལོན་ཚོས་བཤད་པ་ལྟར་ན་ཕྱེ་བོ་སྡེ་བ་ཡུལ་འདིར་ཆགས་པ་ནས་བཟུང་ད་ལོའི་གངས་ཆེན་འདི་ལྟ་བུ་ནམ་ཡང་བབས་མ་མྱོང་ཟེར།   གངས་ཕྱེ་ལྷེབ་ལྷེབ་ཏུ་ཉིན་ཞག་ལྔ་བསྟུད་བསྟུད་དུ་བབས་བབས་པས།  ད་ནི་ས་ཆེན་འདིའི་རི་ཀླུང་ཡོད་ཚད་ཁ་བའི་གོས་ཀྱིས་བཏུམས་ནས་མི་ཆེན་གྱི་པུས་མགོ་ནུབ་པའི་མཚམས་སུ་བསླེབས་ཡོད་ཀྱང་།  ཁ་བའི་འབབ་རྒྱུན་ད་དུང་མ་ཆད་པར་བུ་ཡུག་འུར་འུར་དུ་འཚུབ་ཀྱིན་ཡོད།  རྔམས་ཁ་ཤིན་ཏུ་སྟུག་པའི་ཁ་བའི་མལ་གདན་ཐོག་ཐག་རྡང་དུ་གྲལ་ལ་བཏགས་པའི་ཕྱེ་བོ་སྡེ་བའི་སྒོ་ཟོག་འགའ་རེས།  འཁྱག་འདར་སིག་སིག་ཏུ་ཅི་ཞིག་ལ་འགྲེ་ལྡད་བྱེད་བཞིན་ཁྱིམ་བདག་གིས་གཟན་རྩྭ་རེ་ཨེ་སྦྱིན་ལ་རེ་འབོད་ཞུ་བར་ལྷས་རའི་གྲུ་ཟུར་དེ་ནས་བར་བར་ལ་ངུར་བ་ཐན་ཐུན་རེ་འཐེན་འོངས།

པོ་ཏ་ལ།

ས་རཱ་མཐོ་སློབ། འཕྲིན་ཆོས་ནས། འགྱིང་ངེར་བཞུགས་པའི་པོ་ཏ་ལ། ཁྱེད་ནི། ངོ་མཚར་ཆེ། བརྗིད་ཅིང་ཆགས། འོན་ཀྱང་ཁྱེད་ཀྱི་རང་དབང་རྩ་བ་ནས་འཕྲོག་པས། ཉིན་མཚན་ལ་དབྱེ་བ་མེད་པར། བདག་ལ་སྐྱོ་བ་དང་འཇིགས་སྣང། དངངས་ཚབ་ཀྱིས་ཁེངས་ཤིང། ད་ནི་གདུང་དབྱངས་ཤིག་འདི་ལྟར་ལེན་་ཤོར། པོ་ཏ་ལ། ཁྱེད་ཀྱིས་གསན་པ་ཨེ་བྱུང།གདུང་དབྱངས་ཕྲ་མོ་འདི་ནི། དེ་རིང་ཙམ་མིན་ལ། ཁ་སང་གི་དེ་ཡང་མིན། དེ་ནི་ཡུན་རིང་པོའི་སྔོན་ནས་ཁྱེད་ཕྱོགས་སུ་ཡང་ཡང་སྤྲིངས་ཤིང།

ལོ་རྒྱུས་དང་ཆོལ་ཁ་ཞེས་པའི་ཐ་སྙད་ཀྱི་བྱུང་རིམ་ལ་རགས་ཙམ་དཔྱད་པ།

  ས་རཱ་མཐོ་སློབ། ཐུབ་བསྟན་རྣམ་རྒྱལ། <ནང་དོན་གནད་བསྡུས།> དཔྱད་རྩོམ་འདིའི་ནང་ལོ་རྒྱུས་དང་ཆོལ་ཁ་ཞེས་པའི་ཐ་སྙད་གཉིས་ཀྱི་སྒྲ་བཤད་དང་། དེ་གཉིས་ཡིག་ཐོག་ལ་བྱུང་བའི་བརྒྱུད་རིམ་སོགས་གནད་དོན་ཁག་གཅིག་བསྡུས་ཏེ་བྲིས་ཡོད།

བོད་ཀྱི་བཙན་མོ་འབྲོ་བཟའ་ཁྲི་མ་ལོད་ཀྱི་སྐོར་ལ་མདོར་ཙམ་གླེང་བ།

                                                            ས་རཱ་མཐོ་སློབ། ཀརྨ་མཚོ།         ནང་དོན་གནད་བསྡུས།     ༼དཔྱད་རྩོམ་འདིའི་ནང་དུ་དུས་རབས་བདུན་པའི་ནང་དུ་བྱོན་པའི་བོད་ཀྱི་བཙན་མོ་འབྲོ་བཟའ་ཁྲི་མ་ལོད་མཆོག་ནི་རུས་རྒྱུད་སེ་ལས་མཆེད་དེ་འབྲོ་ཚང་གི་རིགས་རུས་སུ་འཁྲུངས་ཚུལ།     དེ་ནས་བཙན་པོའི་ཆབ་སྲིད་ལ་ཞུགས་ཏེ་བཙན་པོའི་རྒྱལ་རབས་གསུམ་གྱི་རིང་ལ་སྲི་ཞུ་བསྒྲུབས་པའི་མཛད་རྗེས་ཀྱི་སྐོར་ལ་ཅུང་ཙམ་གླེང་ཁུལ་བྱས་པ་ཡིན། ༽ བརྡ་ཆད་གཙོ་བོ།     ༼བཙན་མོ།     འབྲོ།     འབྲོ་བཟའ་ཁྲི་མ་ལོད། ༽

བདག་དང་འབྲོང་གི་གཏམ་རྒྱུད།

ས་རཱ་མཐོ་སློབ། ཀརྨ་རྣམ་དག ས་ཆེན་དཔུང་པ་ཤེད་ཀྱིས་བརྡབས་ཏེ་རི་ཚོགས་ཟེ་བ་མཁའ་ལ་འཕགས།། རླུང་གི་སྤུ་གྲི་བར་མེད་བརྡར་བས་གྲང་ངར་བུ་ཡུག་རྒྱུན་དུ་ལྡང་། འཁྱགས་རོམ་ངར་ཁ་གྱེན་ལ་འཕྱུར་བའི་ཡ་ཐོག་དང་མའི་སྲུབས་ཀ་སྟེ།། ཅང་མེད་གངས་འཁྱགས་རི་བོའི་སུལ་ནས་བདག་དང་འབྲོང་གི་ཚེ་སྲོག་རྙེད།།

གནས་འགྲོ་མའི་སྐྱོ་གར།

  ས་རཱ་མཐོ་སློབ། འབྲོང་རྒོད།   དང་པོ། ལོ་ལོན་ཚོས་བཤད་པ་ལྟར་ན་ཕྱེ་བོ་སྡེ་བ་ཡུལ་འདིར་ཆགས་པ་ནས་བཟུང་ད་ལོའི་གངས་ཆེན་འདི་ལྟ་བུ་ནམ་ཡང་བབས་མ་མྱོང་ཟེར།   གངས་ཕྱེ་ལྷེབ་ལྷེབ་ཏུ་ཉིན་ཞག་ལྔ་བསྟུད་བསྟུད་དུ་བབས་བབས་པས།  ད་ནི་ས་ཆེན་འདིའི་རི་ཀླུང་ཡོད་ཚད་ཁ་བའི་གོས་ཀྱིས་བཏུམས་ནས་མི་ཆེན་གྱི་པུས་མགོ་ནུབ་པའི་མཚམས་སུ་བསླེབས་ཡོད་ཀྱང་།  ཁ་བའི་འབབ་རྒྱུན་ད་དུང་མ་ཆད་པར་བུ་ཡུག་འུར་འུར་དུ་འཚུབ་ཀྱིན་ཡོད།  རྔམས་ཁ་ཤིན་ཏུ་སྟུག་པའི་ཁ་བའི་མལ་གདན་ཐོག་ཐག་རྡང་དུ་གྲལ་ལ་བཏགས་པའི་ཕྱེ་བོ་སྡེ་བའི་སྒོ་ཟོག་འགའ་རེས།  འཁྱག་འདར་སིག་སིག་ཏུ་ཅི་ཞིག་ལ་འགྲེ་ལྡད་བྱེད་བཞིན་ཁྱིམ་བདག་གིས་གཟན་རྩྭ་རེ་ཨེ་སྦྱིན་ལ་རེ་འབོད་ཞུ་བར་ལྷས་རའི་གྲུ་ཟུར་དེ་ནས་བར་བར་ལ་ངུར་བ་ཐན་ཐུན་རེ་འཐེན་འོངས།

<<སྙན་ངག་མེ་ལོང་>>གི་མཚན་བྱང་ལ་དཔྱད་པ།

 ས་རཱ་མཐོ་སློབ།  རྫ་སྲས་བདེ་ཆེན། [ནང་དོན་གནད་བསྡུས།]  སྙན་ངག་མེ་ལོང་གི་རྩ་དཔེ་དང་རྩ་འགྲེལ་རྣམས་སུ་དེའི་མཚན་བྱང་མི་འདྲ་བ་བཅུ་ཕྲག་ཅིག་བྱུང་བ་གསལ་འདོན་གྱིས་དེ་དག་ལས་ཚིག་རྒྱན་གྱི་བསྟན་བཅོས་ཞེས་པའི་མཚན་བྱང་ལ་ཆེད་དུ་དཔྱད་པ་བྱས་ཡོད།   [ཐ་སྙད་གཙོ་གྲས་ཁག]  མཚན་བྱང་། མཚན་དོན། སྙན་ངག་མེ་ལོང་། རྒྱན་གྱི་བསྟན་བཅོས། ཚིག་རྒྱན་གྱི་བསྟན་བཅོས། དོན་རྒྱན། སྒྲ་རྒྱན། ཚིག་རྒྱན།

༄༅། །དོ་ནུབ་ཀྱི་ཉི་མ་བཞིན་ནུབ་སོང་བའི་ཁྱོད།

སྟག་ཚང་རིག་རྒོད། ཁ་སང་དགོང་མོར་སོག་པོའི་ལྟད་མོ་ཞིག་ལྟ་བཞིན་མཚན་དཀྱིལ་གྱི་ཆུ་ཚོད་གསུམ་པ་ཟིན་སོང་བས། དེ་རིང་ཞོགས་ཇ་ཡང་འཐུང་རྒྱུ་མ་བྱུང་བར་འཛིན་ཁང་ལ་ཆས་པ་ཡིན། ལྟད་མོ་དེའི་བག་ཆགས་ཡིན་ནམ། ཡང་ན་ཅི་ཞིག་མ་འགྲིག་པ་ཡིན་ངས་ཀྱང་མི་ཤེས་མོད། ཡིད་ཀྱི་ཟབ་ས་ནས་ཁྱོད་དྲན་ཡོང་། དོ་ནུབ་ཀྱི་ཉི་མ་བཞིན་ནུབ་སོང་བའི་ཁྱོད་དྲན་གྱིན་ཡོད། ལོ་ངོ་གསུམ་གྱི་ཡར་སྔོན་དུ་ཁྱོད་ནི་བདག་གི་ཉེ་ས་ན་མེ་ཏོག་བཞིན་བཞད་ཡོད་ཅིང་། ཆུ་དང་ཉ་མོ་བཞིན་འགྲོགས་ཡོད་པས། གྱེས་བྲལ་གྱི་ལོ་ཟླ་རིང་མོའི་ཁྲོད། ངས་ཁྱོད་དྲན་པའི་ན་ཟུག་བཟོད་ཐབས་མི་འདུག

༄༅། །བོད་རིགས་མཐོ་རིམ་སློབ་མའི་ཚོགས་ཆེན་དང་འབྲེལ་བའི་ཉམས་མྱོང་དམར་བྲིས།

  ས་རཱ་མཐོ་སློབ།  སྟག་ཚང་རིག་རྒོད། བཙན་བྱོལ་བའི་སྤྱི་ཚོགས་ཆུང་ཆུང་འདིའི་ནང་བགྲོ་གླེང་དང་ཟབ་སྦྱོང་སོགས་ཧ་ཅང་མང་། དཔེར་ན་ཆབ་སྲིད་ཟབ་སྦྱོང་དང་། ལས་བྱེད་འོས་སྦྱོང་། མདུན་ལམ་སློབ་སྟོན། ཁྲིམས་ལུགས་ཟབ་སྦྱོང་སོགས་ཡོད་ལ། ཤེས་ཡོན་དང་འབྲེལ་བའི་ཐོག་ནས་དགེ་རྒན་ཟབ་སྦྱོང་དང་འོས་སྦྱོང་སོགས་(སྦྱོང་)ཟེར་བ་དང་(ཚོགས་)ཟེར་བའི་ཐ་སྙད་དེ་ཉིད་ང་ཚོའི་སྤྱི་ཚོགས་ནང་ཤིན་ཏུ་མང་། ང་ཡང་བཙན་བྱོལ་དུ་འབྱོར་ནས་ད་བར་མི་ལོ་བཅུ་ལྷག་ཙམ་སོང་ཞིང་། བགྲོ་གླེང་ཆེན་པོ་དང་ཆུང་ཆུང་། ཟབ་སྦྱོང་ཆེན་པོ་དང་ཆུང་ཆུང་མང་པོར་བཅར་རྒྱུའི་གོ་སྐབས་བྱུང་ལ་སྣེ་འཁྲིད་ཀྱི་ལས་ཀ་ཡང་མི་ཉུང་ཙམ་བྱས་མྱོང་། ཟབ་སྦྱོང་དང་འོས་སྦྱོང་དེ་དག་གི་ཁྲོད་དུ་མིང་ཙམ་ལས་དོན་དུ་གང་ཡང་ཐོབ་རྒྱུ་མེད་པ་ཡོད་ལ། སྤྱི་ཚོགས་ནང་ལ་འགྱུར་བ་ཡོང་རྒྱུ་ཕར་བཞག ཐ་ན་བགྲོ་གླེང་བ་རང་ཉིད་ཀྱང་འགྱུར་བ་མ་ཕྱིན་པའི་ཟབ་སྦྱོང་དེ་འདྲ་མང་པོ་ཡོད་ལ། དོན་སྙིང་ཨོའུ་ཙམ་ཡོད་པ་དེ་འདྲ་ཡང་མང་པོ་ཡོད།