བོད་ཀྱི་སློབ་ཆེན་པ་དག་ལ་དཔེ་ཀློག་སྐོར་གླེང་བ།

བོད་ཀྱི་སློབ་ཆེན་པ་དག་ལ་དཔེ་ཀློག་སྐོར་གླེང་བ།                                           བོད་བཞུགས་རྩོམ་པ་པོ་ཞོགས་དུང་། སློབ་ཆེན་སློབ་མ་རྣམས་མཐར་ཕྱིན་ལ་ཉེ་བ་ན། ཁོ་ཚོས་འབྲེལ་ཡོད་ཀྱི་འགྲོ་ལུགས་མཐའ་དག་བསྒྲུབས་ཚར། ཁོ་ཚོར་མཚོན་ན་བྱ་བ་ཞིག་ཅི་ལྟར་རེག་གམ་སྙམ་པའི་སེམས་ཁུར་ལས་གཞན། མཇུག་མཐའི་དོན་བྱ་ཉག་གཅིག་ནི་མལ་ཐུལ་དང་མལ་སྟན་བསྒྲིལ་ཏེ་རང་རང་སོ་སོའི་གནས་སུ་བགྲོད་འགྲོ་བ་དེ་རེད། གོ་ཐོས་ལྟར་ན། དུས་དེར་སློབ་མ་ལ་ལས་མི་ལོ་བཞི་ནས་ལྔའི་བར་སྦྱངས་ཤིང་བལྟས་པའི་སློབ་གཞི་དང་ཟུར་ལྟའི་དཔེ་ཆ་རྣམས་གཅིག་ཀྱང་མ་ལུས་པར་ཤོག་ཧྲུལ་ཉོ་མཁན་ལ་བཙོངས་བཞག་སྐད། དཔེ་ཆ་ཤོག་ཧྲུལ་དུ་བཙོངས་པའི་དོན་ཕྲན་ཚེགས་དེས་ཡང་སྙིང་ཅི་ཞིག་མཚོན་ནམ། དཔེ་ཆ་བོངས་ཆུང་ཡང་ཁུར་ལྕི་བས་ལ་ལ་འདེགས་དཀའ་བར་ཁག་གམ། སློབ་ཆེན་ནས་མཐར་ཕྱིན་པ་ལ་ལས་ཤེས་བྱ་ཐམས་ཅད་རྫོགས་པར་བསླབས་ཚར་སྙམ་མམ། ཡང་། བྱ་བའི་སྟེང་ཞུགས་ཚེ་ལ་ལས་ཤེས་བྱ་སྤྱོད་སྒོ་མེད་ཅེས་སེམས་སམ། ཁོ་ཚོར་དྲན་འཆར་མི་འདྲ་བ་རེ་ཡོད་སྲིད་ཀྱང་དྲན་ཚད་འདི་རེད་ཅེས་ཚིག་ཐག་བཅད་དེ་བཤད་རྒྱུ་ཤིན་ཏུ་དཀའ་མོ་རེད། གང་ལྟར། ཡོན་ཏན་པས་དཔེ་ཆ་འདོར་བ་ནི་ཁོ་ཚོར་དགོས་པའི་ཤེས་ཡོན་འདོར་བ་ཁོ་ན་རེད། དེ་ནི་བཟོད་པར་དཀའ་པའི་ཉེས་དམིགས་རིགས་ཤིག་ཀྱང་རེད། གཅིག་བྱས་ན་ཁོ་ཚོས་སྣང་ཚུལ་གྱི་གནས་ལུགས་རེ་ཤེས་ཡོད་ཀྱང་སྲིད། དེ་ནི་ཕལ་ཆེར་མི་རྣམས་ཀྱི་ལས་བྱེད་པ་རུ་འབོད་པ་སྟེ། བྱ་བ་རེག་པའི་མི་ཚོས་དཔེ་ཆར་མི་བལྟ་བ་དང་ཤེས་ཡོན་མི་སྦྱོང་བའི་སྣང་ཚུལ་གྱི་གནས་ལུགས་ཤེས་པ་ཡིན་རྒྱུ་རེད། སློབ་ཆེན་མཐར་ཕྱིན་གྱི་བྱ་བ་རེག་པའི་མི་ཞིག་གམ་ཟླ་ཕོགས་ཟ་མཁན་ཞིག་ལ་ཆ་བཞག་སྟེ་བཤད་ན། ཁོ་ཚོས་ཟླ་ཕོགས་ལོན་པའི་ཚུན་ལ། སློབ་ཆེན་ནས་མི་ལོ་བཞི་ནས་ལྔར་སྦྱངས་པའི་ཡོན་ཏན་གྱིས་ཕྱིས་ཀྱི་ལས་འཁྱུར་ངལ་གསོའི་བར་གྱི་མི་ལོ་བཞི་བཅུ་ཡས་མས་ལ་འདང་ངེས་སྙམ་གིན་ཡོད་པ་འདྲ། དེ་ཡང་ས་ལེ་དབར་ཁྲི་ལ་བགྲོད་པའི་རླངས་འཁོར་ལ་སྣུམ་སྤྱི་བྲེ་བརྒྱ་ཡིས་འདང་སྙམ་པ་དང་འདྲ་བ་རེད།དུས་དེ་ནས་བཟུང་། ཤེས་བྱ་ཡོན་ཏན་ནི་ཁོ་ཚོ་དང་འབྲེལ་བ་གཏན་ནས་མེད་པའི་རྣམ་གྲངས་ལྷག་མ་ཞིག་ཏུ་ལྟ་གི་ཡོད་པ་འདྲ། རྒྱུ་མཚན་ནི། ཁོ་ཚོས་ཟླ་ཕོགས་ལོན་པ་ན་ཟླ་ཕོག་ལེན་སྤྱད་ཀྱི་ཤེས་བྱ་རྣམས་རིམ་གྱིས་བརྗེད་དེ་དཔེ་ཆ་མི་ཉོ་ལ་དཔེ་ཆར་ལྟ་བ་ཙམ་ཡང་མི་བྱེད། ༼བྱ་བ་རེག་རྗེས་དཔེ་ཆ་དུམ་པ་གཅིག་ཀྱང་ཉོས་མ་མྱོང་པའི་ལས་བྱེད་པ་གང་མང་མང་འདུག༽ ཁེ་ལས་ལས་ཁུངས་ན་ཡོད་པའི་མི་རྣམས་ལྟ་ཞོག …

སློབ་མའི་སྐད་ཡིག་སློབ་སྦྱོང་གི་སྤྲོ་སྣང་འཕེལ་ཐབས་སྐོར་རགས་ཙམ་གླེང་བ།

༄༅། ། སློབ་མའི་སྐད་ཡིག་སློབ་སྦྱོང་གི་སྤྲོ་སྣང་འཕེལ་ཐབས་སྐོར་རགས་ཙམ་གླེང་བ།                                                                      རྩོམ་པ་པོ། རྡོལ་ལགས། ——བོད་ལྗོངས་བསླབ་གཞི་རྩོམ་སྒྱུར་ལྟེ་གནས། སྐད་ཡིག་བསླབ་ཚན་ནི་དེང་རབས་སློབ་གསོའི་མ་ལག་ཁྲོད་ཀྱི་རིག་ཚན་བསླབ་ཚན་ཞིག་ཡིན་ཞིང་། སྐད་ཡིག་གི་ཡོན་ཚད་མཐོ་དམའ་དང་རིག་ཚན་གཞན་གྱི་སྦྱངས་འབྲས་བཟང་ངན་བར་ལ་ཐད་ཀའི་འབྲེལ་བ་ཡོད། དེས་ན་སློབ་མའི་སྐད་ཡིག་གི་ཡོན་ཚད་གོང་མཐོར་གཏོང་རྒྱུ་ནི་ཆེས་སྔོན་འགྲོའི་ཆ་རྐྱེན་ལྟ་བུ་ཞིག་ཏུ་གྱུར་ཡོད། རྩོམ་ཡིག་འདིའི་ནང་སློབ་མའི་སྐད་ཡིག་སློབ་སྦྱོང་གི་སྤྲོ་སྣང་འཕེལ་བ་བྱས་ཏེ་སྐད་ཡིག་གི་ཡོན་ཚད་གོང་མཐོར་གཏོང་ཐབས་སྐོར་རགས་ཙམ་གླེང་ཡོད། ་་་སློབ་མ། སྐད་ཡིག སློབ་སྦྱོང་གི་སྤྲོ་སྣང་། དད་པ་སྔོན་འགྲོ་མ་ལྟར་སྐྱེས་པ་སྟེ། ། ཡོན་ཏན་ཐམས་ཅད་སྲུང་ཞིང་འཕེལ་བར་བྱེད། …

ངའི་བུ་མོ་མཱ་ལཱ་ལཱ།

ངའི་བུ་མོ་མཱ་ལཱ་ལཱ། སྤྱིར་ཕ་རྒྱུད་གཙོ་བའི་སྤྱི་ཚོཊ་དང་རིགས་རྒྱུད་མང་པོའི་ཁྲོད་ཕ་ནི། བུས་གསལ་པོ་ཤེས་ཤིང་རྒྱུས་མངའ་ཆེ་བ་ཡིན། འོན་ཀྱང་ཕྲན་ནི་བུ་མོས་རྒྱུས་མངའ་ཆེ་བའི་ཕ་ཉུང་ཤས་གྲས་ཀྱི་གཅིག་ཡིན། དེ་ནི་བདག་གི་གཟི་བརྗིད་དང་སྤོབས་པ་ཞིག་དུའང་འཁུམས། 2017 ལོར་མཱ་ལཱ་ལཱ་ཤེས་ཡོན་དང་རང་ཉིད་ཀྱི་ཐོབ་ཐང་ཆེད་ལངས་བའི་ལས་འགུལ་འདི་འགོ་བཙུགས་པ་དང་། 2011 ལོར་པཱ་ཀི་སི་ཐན་ནང་ཁོ་མོའི་ལས་འགུལ་ལ་གུས་བརྩི་དང་། རྒྱལ་ཡོངས་ན་གཞོན་ཞི་བདེའི་རྟགས་མ་ཐོབ་ནས། ཧ་ཅང་མིང་གྲགས་ཅན་གྱི་ལོ་ཆུང་བུ་མོ་ཞིག་ཏུ་གྱུར་བ་རེད། དེའི་སྔོན་ཁོ་མོ་ངའི་བུ་མོ་ཡིན་ན་ཡང་། ད་ནི་ང་ཁོ་མོའི་ཨ་ཕར་གྱུར་བ་རེད། སྐུ་ཞབས་དང་སྲས་མོ་རྣམས་པ། གལ་ཏེ་ང་ཚོས་འགྲོ་བ་མིའི་ལོ་རྒྱུས་ཁྲོད་འཁྱུག་ཙམ་བལྟས་པ་ཡིན་ན། བུད་མེད་ཀྱི་ལོ་རྒྱུས་ནི་འདྲ་མཉམ་མེད་པ་དང་དྲང་བདེན་མེད་པ་གཡོག་བཀོལ་དང་འཚེ་བའི་ཁེངས་པ་ཞིག་རེད། ཁྱེད་ཀྱིས་སོམས་དང་། ཕ་རྒྱུད་གཙོ་བའི་སྤྱི་ཚོགས་ཁྲོད་བུ་མོ་ཞིག་སྐྱེས་ན། དང་པོ་ནས་བཙས་སྟོན་མེད་པ་དང་། ཁོ་མོར་ཕ་མ་གཉིས་ཀས་དགའ་བསུ་མེད། བུ་མོ་ཞིག་སྐྱེས་ཚེ་ཨ་མ་དེར་ཁྱིམ་མཚེས་རྣམས་ཀྱིས་སེམས་གསོ་དང་། ཨ་ཕ་ལ་སུས་ཀྱང་འཚམ་འདྲི་དང་ཤིས་བརྗོད་མི་བྱེད། བུ་མོ་ཞིག་སྐྱེས་ཚེ་ཨ་མ་དོགས་མི་བདེ་བ་མ་ཟད། ཕྲུ་གུ་ཐོག་མ་བུ་མོ་ཞིག་སྐྱེས་ཚེ་སྐྱོ་སྣང་དང་། ཕྲུག་གུ་གཉིས་པའང་བུ་མོ་ཞིག་སྐྱེས་ཚེ་བུ་ཞིག་འདོད་པའི་རེ་བའི་འོག་ཧ་སང་པར་བྱེད་ལ། ཕྲུག་གུ་གསུམ་པའང་བུ་མོ་ཞིག་སྐྱེས་ཚེ་ཨ་མ་དེ་ནི། ཉེས་ཅན་ཞིག་དང་འདྲ་བར་གནོང་འགྱོད་བྱེད་པ་རེད། དེ་ལྟར་མ་གཅིག་པུ་ལ་དཀའ་ངལ་ཡོད་པ་ཙམ་མ་ཡིན་དེ། གསར་དུ་སྐྱེས་བའི་བུ་མོ་འང་རིམ་བཞིན་ཆེར་སོན་ནས་ལོ་ལྔ་ཙམ་ན། སློབ་ལོ་ལོན་ཏེ་མོའི་མིང་བོ་རྣམས་སློབ་གྲྭར་སྐྱོད་སྐབས། ཁོ་མོ་ནི་ཁྱིམ་དུ་སྡོད་དགོས་པ་ཡིན། གང་ལྟར་ལོ་བཅུ་གཉིས་བར་དུ་བུ་མོ་དེ་ལ་ཅུང་འཚོ་བ་སྐྱིད་པོ་ཞིག་ཡོད་པ་ནི། ཁོ་མོ་ཕྱེ་ལེབ་ཞིག་དང་འདྲ་བར་ཁྲོམ་སྲང་གང་སར་གྲོགས་པོ་ཚོ་དང་ལྷན་དུ་རྩེད་འཇོར་རོལ་ཐུབ་པ་རེད། བུ་མོ་ཚོ་ལོ་བཅུ་གསུམ་ལོན་པ་ནས། སྐྱེས་པ་ཞིག་མཉམ་དུ་མེད་པར་ཁྱིམ་ནས་ཕྱིར་ཀྱང་སྐྱོད་མི་ཆོག་པ་ཡིན། ཁོ་མོ་ཚོ་ནི་ཁྱིམ་གྱི་གྱང་བཞིའི་བར་ན་བཀག་བསྐྱིལ་བྱས་ཡོད། དེ་ནས་བཟུང་ཁོ་མོ་ཚོ་ནི་རང་དབང་ཅན་གྱི་གང་ཟག་སྒེར་བ་ཞིག་ག་ལ་ཡིན། ཁོ་མོ་ཚོ་ནི་རང་གི་ཕ་མ་དང་གཅེན་གཅུང་ནང་མི་བཅས་ལ་གུས་བརྩི་ཅན་ཞེས་པ་དེ་ཡིན་དགོས་པ་རེད། གལ་ཏེ་ཁོ་མོ་ཚོ་དེ་དང་རྒྱབ་ཀྱིས་ཕྱོགས་ཚེ་གསོད་ཡང་སྲིད་པ་རེད། ད་དུང་དབྱིངས་ཡོད་པ་གཅིག་བཤད་ན་གུས་བརྩི་ཅན་ཞེས་པ་དེ་བུ་མོ་ཚོ་གཅིག་པུར་འབྲེལ་བ་ཞིག་མ་ཡིན་ཏེ། དེ་ནི་ནང་མིའི་ཁྲོད་ཀྱི་བུ་ཚོའི་འཚོ་བར་ཡང་ཤུགས་རྐྱེན་ཡོད་པ་ཞིག་ཡིན། ངས་བུ་མོ་སྤུན་བདུན་དང་བུ་གཅིག་ཡོད་པའི་མི་ཚང་ཞིག་ཤེས། བུ་དེ་མཚོ་འབྲེལ་རྒྱལ་ཁབ་ཁག་ལ་སྐྱོད་བཞིན་ཁོ་པའི་ཕ་མ་དང་སྲིང་མོ་རྣམས་ལ་འཚོ་བ་སྒྲུབ་བཞིན་ཡོད། ཁོས་དེ་ལྟར་བྱེད་དོན་ནི་གལ་ཏེ་ཁོའི་སྲིང་མོ་རྣམས་ཀྱིས་ལག་ཤེས་རེ་སྦྱངས་ཏེ་ཁྱིམ་ནས་ཐོན་ཚེ། ཁོ་ཚོའི་འཚོ་བ་བཙལ་ན་ཁ་སྐྱེངས་པོ་ཡོང་གི་རེད་སྙམ་པ་རེད། དེ་ལྟར་གུས་བརྩི་ཅན་ཞེས་བའི་མིང་འོག་ནས་ཁོས་རང་ཉིད་ཀྱི་འཚོ་བའི་སྤྲོ་སྐྱིད་དང་། སྲིང་མོ་རྣམས་ཀྱི་འཚོ་བའི་འགྱུར་ལྡོག་གི་བདེ་སྐྱིད་དེ་བློས་གཏོང་བ་རེད། ད་དུང་ཕ་རྒྱུད་གཙོ་བའི་སྤྱི་ཚོགས་ཁྲོད་ཀྱི་གནས་ཚུལ་གཞན་ཞིག་ནི་ཁ་ལ་ཉན་པོ་ཞེས་པ་དེ་རེད། སྤྱི་ཚོགས་དེའི་ནང་བུ་མོ་ཞིག་ཡིན་ཚེ་ཧ་ཅང་སྙོམས་ཆུང་དང་ཁ་ལ་ཉན་པོ་ཁུ་སིམ་པོ་ཞིག་དགོས་པ་ཡིན། དེ་ནི་བུ་མོ་བཟང་པོ་ཞིག་ཡིན་པའི་ཚད་གཞི་རེད། …

བསམ་པ་ཐོ་ལེ་བ།

བསམ་པ་ཐོ་ལེ་བ།                         ཚལ་རྡོར་སྨྱོན། ལྟེ་ནོར་འཛིན་རྒྱལ་མོའི་རྒྱན་དུ་འཕོས།། ཕྱི་སྣོད་ཀྱི་འཇིག་རྟེན་བརྗིད་ཉམས་ཆེ།། ནང་བཅུད་ཀྱི་འགྲོ་བ་གྲངས་ལས་འདས།། དཀོན་དལ་འབྱོར་མི་ལུས་རིན་ཆེན་ཐོབ།།   ཟས་བདུད་རྩི་སྨན་དང་འདྲ་བ་ཡིས།། ལུས་བཟང་པོའི་ཁོ་ལག་རབ་ཏུ་རྫོགས།། འདོད་ཡོན་ཏན་སྤྱོད་པའི་མི་བུ་ཞིག ། གཞན་སྐྱེ་བོའི་ཚོགས་ཀྱི་བསྔགས་བྱའི་ཡུལ།།   ཡིད་མི་ཚིམས་རྒྱུ་ལུས་ཚོང་སྤོགས་བཞིན།། ཁེ་བསམ་བཞིན་བསམ་བཞིན་སྡུག་ན་སྦྱར།། ནོར་མི་རྟག་སྲིད་པའི་ཕུན་ཚོགས་ཀུན།། ཕུང་འདྲེན་པ་ཀིམ་པའི་འབྲས་བུ་འདྲ།།   གཏམ་སྙན་གྲགས་འཇིག་རྟེན་ཆེ་རྒུ་དང་།། ཐོབ་གོ་ས་རྟག་པའི་ཁོམ་གླགས་ཟད།། གཡོལ་མི་གཏུབ་འདུས་བྱས་ཆོས་ཉིད་ཀྱིས།། གཏམ་གོ་ས་ཚུར་བྱུང་བྲག་ཅ་བཞིན།།   སྟོབས་ཤེད་ཤུགས་རི་རྒྱལ་ལྷུན་པོར་སྒྲུན།། བསླབ་ཤེས་སྦྱངས་ཡོན་ཏན་རྩྭ་རྩེའི་རྡུལ།། ཡིད་བློང་པོ་གྱུར་ཀྱང་ལུས་སེམས་ཁོལ།། དོན་བདེན་རྫུན་འཆོལ་བ་འཕོངས་པའི་གཞི།།   གཞོན་ལང་ཚོའི་མེ་ཏོག་མཛེས་དཔལ་ཡང་།། ལུས་གཟི་བྱིན་མདངས་ཉམས་གཞུ་ལྟར་གུག གཟུགས་རིད་པ་མགོ་སྐྱེས་དུང་ལྟར་དཀར།། ལྡང་འདུག་ཀྱང་འཁར་རྟེན་ཀྱེ་ཧུད་ལགས།།   རྒྱུ་གློ་བུར་ལུས་ཀྱི་འབྱུང་བཞི་འཁྲུགས།། ཟས་རོ་བརྒྱ་ཁུར་བུ་འདི་ཀོ་ཉིད།། བཟོད་དཀའ་བ་ཟུག་རྔུའི་བྲོ་ནད་ཀྱིས།། མགྲིན་དབུགས་ཀྱིས་མཛེར་བཞིན་རེ་ཐག་ཆད།།   …

ཨ་མ་ཚེ་རིང་ལོ་བརྒྱ།

ཨ་མ་ཚེ་རིང་ལོ་བརྒྱ།  རྩོམ་པ་པོ་རྨི་ལམ་བུ་མོ། གནམ་སྟོང་གི་མི་ཡུལ་འདི་ཡི་འོག། ས་སྟེང་ནས་བུ་མོ་ཁེར་འགྲོ་ངས།། མ་དྲན་པའི་སེམས་སྡུག་དབྱངས་ལ་བཀུག། བྱམས་བརྩེ་ཡི་ཁ་ཏ་གནང་བའི་མ།། ཆུང་གོས་ལྷམ་གཡོགས་པའི་དྲིན་ཅན་མ།། ཚེ་འདི་ཡི་ལུས་རྟེན་སྦྱིན་པའི་པའི་མ།། བརྩེ་ཆེན་གྱི་བཀའ་དྲིན་མཚོ་ལས་ཟབ།། ཐག་རིང་གི་བུ་ཕྲུག་ནང་ལ་སྒུག། ནང་མ་མོ་ལྷན་འཛོམས་སྨོན་ལམ་འདེབས།། ཐུགས་ཁུར་གྱི་བྱམས་བརྩེ་གངས་ལས་དཀར།། ཨ་མ་ལགས་ཚེ་རིང་ལོ་བརྒྱ་ཤོགས།། ཚེ་འདི་ཡི་ལུས་རྟེན་སྦྱིན་པའི་པའི་མ།། ཨ་མ་ལགས་ཚེ་རིང་ལོ་བརྒྱ་ཤོགས།།  

ཝཱ་ཎའི་སློབ་གླིང།

ཝཱ་ཎའི་སློབ་གླིང།  རྩོམ་པ་པོ་ཁྱུང་ཕྲུག་དར་མ། ཀ་བས་སྟོང་པའི་འཛིན་ཁང་བརྗིད་ཉམས་ལྡན།། ཁ་ཕྱོགས་གཅིག་པའི་སློབ་མ་ཁྱུ་ཚོགས་ཤིག། ག་དུས་ཡིན་ཡང་རིག་པའི་གཏེར་ལ་སྤྱོད།། ང་ཚོའི་སློབ་གླིང་འདི་ནི་ངོ་མཚར་ཆེ།། ཅ་ཅོའི་གཏམ་ཉོག་འུར་ལ་མི་སྤྲོ་ཞིང་།། ཆ་ལུགས་བཟང་སྤྱོད་ཁོ་ནའི་རྗེས་སུ་སྙེགས།། ཇ་ཡུན་ཙམ་ལ་སློབ་དང་མི་འབྲལ་བས།། ཉ་མོ་ཆུ་ལ་གནས་འདྲའི་ཤེས་ལྡན་མང་།། ཏ་ལེར་མཛེས་པའི་རྒྱུ་འབྱོར་མེད་ན་ཡང།། ཐ་སྙད་དོན་གྱི་ཟབ་མོའི་གཞུང་ལུགས་དང་།། ད་དུང་དེང་དུས་རིག་པའི་ལམ་ལུགས་ཀུན།། ན་ཆུང་སློབ་མ་དུ་མས་བརྩོན་པའི་མཁར།། པ་ཕ་རྒྱང་དུ་ལུས་ནས་ས་མཐར་འགྲིམས།། ཕ་མའི་དྲིན་ལན་འཇལ་བའི་སྟ་གོང་དུ།། བ་ངན་ལུག་རྫིའི་འཚོ་བ་ཀུན་དོར་ནས།། མ་དང་བྲལ་ནས་སློབ་གླིང་འདིར་རུ་འཛོམས།། ཙ་གེ་ཙིག་གེའི་དཀའ་ཚེགས་དུ་མ་འཇོམས།། ཚ་གྲང་མི་སྙོམ་དུས་བཞིའི་འགྱུར་འགྲོས་འོག། ཛ་དྲག་ཁྲོད་དུ་སློབ་ལ་རོལ་བ་སོགས།། ཝཱ་ཎའི་གཙུག་ལག་ཆེན་པོ་རྣམ་པར་རྒྱལ།། ཞ་བོར་རྐང་པའི་སྦྱིན་པ་གཏོང་བ་དང།། ཟ་འདོད་བཀྲེས་སྐོམ་ཅན་ལ་ཟས་སྦྱིན་ལྟར།། འ་ཅག་ཤེས་འདོད་བློ་ཅན་སློབ་མ་རྣམས།། ཡ་མེད་ཆོས་ཀྱི་སྦྱིན་པའི་འབྱུང་གནས་ཡིན།། ལྕང་རྭསབསྐོར་བའི་ཝཱ་ཎའི་སློབ་གླིང་འདིར།། ལ་ལུང་མི་གཅིག་སློབ་མའི་ཁྱུ་ཚོགས་ཤིག།། ཤ་ཚའི་རིག་གཞུང་རིས་མེད་གཞུང་ལུགས་ཀུན།། ས་ཀུན་དབང་པོ་བཞིན་དུ་སྤྱོད་ཐུབ་པ།། ཧ་ཅང་བསྐལ་པ་བཟང་བའི་དུས་ཡིན་ཞིང།། ཨེ་མ་དེ་ལས་ངོ་མཚར་ཆེ་བ་ཅི།། ༢༠༡༨/༤/༡༦ མཚན་མོར་ཐོལ་བྱུང་དུ་བྲིས།

མགོ་མེད་རང་སློང་གི་སྐད་ཆ་གཉིས།

རྩོམ་པ་པོ་དབེན་པའི་ཁ་ཕྱོགས། དོ་དགོང་གི་མཚན་མོ་ལྷིང་ཞིང་འཇགས། ཟླ་བ་ནི་གོར་བཞིན་སྒོར། ཟླ་འོད་རྩ་ཐང་དུ་འཚེར་བའི་མཚན་མོ་འདིར། རྩ་ཐང་ནི་སྟོང་ཞིང་འཇགས། ཡོད་ཚད་ཁུ་སིམ་མེར། ཐག་རིང་གི་གཞོན་ནུ་མའི་མིག་ཞགས་ཀྱི་འོད་མདངས་ཀྱང་། ཟླ་འོད་དང་ལྷན་དུ་ལྷིང་ངེར་གྱི་རྩ་ཐང་ལ་ཅེར་བཞིན། ཐག་རིང་གི་གཞོན་ནུ་དེར། སྒུག་བཞིན་མཆིས་ན་ཡང་། རྟའི་འཚེར་སྐད་འགའ་ལས། རྩ་ཐང་འདི་སྔར་བཞིན་ཁུ་སིམ་མེར། རྒྱང་རིང་གི་སྙིང་ཉེ་ཁྱེད་སྒུག་ཅིང་མཆིས། ༄༅། །འཚོ་བ་ནི་སྨྲ་མི་ཤེས་པའི་རྟོག་བརྗོད་ཞིག རེ་བ་ནི་བྱིས་པ་སྣ་ལུབ་ཅན་གྱི་རྨི་ལམ་བཞིན། རྒྱང་གཡེང་དུ་ཆས་ཀྱིན་འགྲིམ། མདུན་ངོས་ལམ་ནི་མག་མོག་གི་གཏུམ་བཞིན། ཅི་ཡོང་ངེས་མེད་ཀྱི་ལམ་འཕྲིན་འདི་རྒྱུད་ཀྱིན། སྐྱ་ཐེང་ངེར་གྱི་ཀླད་སྟོང་ན་བསམ་ཟད་ཀྱི་ཆུ་བཞིན། ཅི་ཡོང་བར་འཇིགས་སྣང་དང་། འཚོ་བའི་སྐྱ་མདོག་འདི་ཅེར་བཞིན། ངེས་མེད་ཀྱི་མདུན་གྱི་ལམ་མག་མོག་ནང་། སྒྲོན་མེ་མེད་པར་མདོ་ལ་འགྲིམས་པའི་ང་།

འཇིག་རྟེན་ཕྱི་མར་སྤྲིངས་པའི་སེམས་གཏམ།

འཇིག་རྟེན་ཕྱི་མར་སྤྲིངས་པའི་སེམས་གཏམ།                                             རྩོམ་པ་པོ་སྟག་ཚང་རིག་རྒོད། ཁ་སྔོན་ཏེ། སྤྱི་ལོ་2018ཟླ་3ཚེས་21གིི་ཞོགས་པ་ཆུ་ཚོད་10:6 པའི་ཐོག ང་རང་ཧ་ཅང་བྲེལ་འཚུབ་ཆེ་རུང་ངས་གྱེར་ཚིག་ལྟ་བུ་སྙན་ངག་ཅིག་འབྲི་དགོས་ཟེར་ནས་ཁྱོད་ཀྱིས་ང་ལ་ཨུ་ཚུགས་བྱས་བྱུང་། ངས་ཀྱང་ཁྱེད་ཀྱི་རེ་འདོད་ལྟར་བྲེལ་ཟིང་གི་ཁྲོད་ནས་སྙན་ཚིག་གམ་གྱེར་ཚིག་དུམ་བུ་ཞིག་བྲིས་ནས་སྤྱི་ལོ་2018ཟླ་3ཚེས་22དགོང་མོའི་ཆུ་ཚོད་10:57ཐོག་ཁྱོད་ལ་ཕུལ་བ་ཡིན། སྤྱི་ལོ་2018ཟླ་3ཚེས་23ཞོགས་པའི་ཆུ་ཚོད་11:22ཐོག་ཁྱེད་ཀྱིས་ངའི་སྙན་ཚིག་དེ་གྱེར་ནས་བཏང་བྱུང་། དེ་རྗེས་དེ་རིང་གི་བར་དུ་ཁྱེད་ལ་སྐད་ཆ་ཚིག་གཅིག་ཀྱང་བཤད་མེད། དེ་རིང་གློ་བུར་དུ་ཁྱེད་ཀྱི་སྐད་འཕྲིན་བེད་སྤྱོད་གཏོང་བཞིན་པ་ཤེས་བྱུང་། དྲང་པོ་བཤད་ན་ངས་ནམ་རྒྱུན་ནས་ཁྱེད་ཀྱི་སྐད་ཆ་ལ་སྒུག་གི་ཡོད། ནམ་རྒྱུན་ངེད་གཉིས་ཕན་ཚུན་ལ་འཚམས་འདྲི་བྱེད་པ་ལས་སྐད་ཆ་མང་པོ་བཤད་ཀྱི་མེད་པས།  ངས་ཀྱང་དེ་རིང་ཨུ་ཚུགས་ཀྱིས་མང་པོ་ཞིག་བཤད་མེད།  རེད།  ང་ནམ་རྒྱུན་ནས་ཁ་ཉུང་བའི་མི་ཞིག་རེད་ལ།  ཁྱོད་ཀྱང་ལས་བྲེལ་ཧ་ཅང་ཆེན་པོ་རེད། དེ་རིང་སྤྱི་ལོ་2018ཟླ་4ཚེས་17ཉིན་གྱི་དགོང་མོའི་ཆུ་ཚོད་8:16ཐོག་གློ་བུར་དུ་ང་ལ་ཡི་གེ་འབྲི་མཁན་དེ་ཁྱེད་ཀྱི་གཅུང་མོ་ཡིན་པ་དང་།  ཁྱེད་སྤྱི་ལོ་2018ཟླ་3ཚེས་23དགོང་མོ་འཇིག་རྟེན་འདི་ནས་གཏན་དུ་ཞལ་གྱེས་སོང་བ་གོ་བས། ང་ཡིད་གཏན་ནས་ཆེས་མ་བྱུང་། འོན་ཀྱང་།  གཅུང་མོ་དང་སྐད་ཆ་རིམ་བཞིན་བཤད་སྐབས་ངས་གཏམ་ངན་འདིར་ཡིད་ཆེས་མ་བྱེད་ཐབས་མེད་དུ་གྱུར།  ངའི་ལུས་ཁམས་ཡོང་སུ་འདར་ཡོང་ཞིང་། སྙིང་ཁའི་སྦུབས་ནས་ན་ཟུག་ཅིག་རིམ་བཞིན་རྒྱས་སོང་།  ངའི་དྲན་པར་གསལ་བ་ནི་འདས་དོན་དག་ཡིན་ཞིང་།  ལྷག་པར་དུ་ཁྱེད་ཀྱིས་ངའི་སྙན་ངག་གྱེར་བའི་ཉིན་མོ་ནི་ང་དང་གཏན་དུ་གྱེས་པའི་ཉིན་མོ་ཡིན་པ་བསམ་ཡུལ་ལས་འདས་སོང་། འཇིག་རྟེན་གྱི་མི་སུ་ཞིག་ཡིན་རུང་རང་རང་ལ་གསང་བ་རེ་ཡོད་ཅིང་། ང་གཉིས་ཀྱི་བར་ན་ཡང་སུས་ཀྱང་མི་ཤེས་པའི་འདས་དོན་མང་དག་ཅིག་ཡོད་པས། ངའི་དྲན་པའི་མེ་ལོང་ངོས་སུ་འདས་དོན་དེ་དག་གཅིག་གཅིག་གཉིས་གཉིས་བྱས་ནས་ཤར་བྱུང་། …

ཁ་བའི་སྲས་ཀྱི་སྙན་ཚོོོམ།

སྙིང་ཤ་འགུལ་དུས། སེམས་ན་དྲག་ཏུ་འབར་བ་སྙིང་སྟོབས་ཡིན་ལ ཁ་ནས་འུར་གྱིས་ཤོར་བ་ཡང་སྙིང་སྟོབས་ཡིན མི་རིགས་ཀྱི་མགོ་བོ་དུད་པའི་དེ་རིང ང་ཚོའི་ཚོར་འདུ་གཅིག་ཏུ་བསྡུས་ན “ཞེ་སྡང་སེམས་ལ་ཡོད་ཀྱང དགྲ་ལ་དགའ་ཚུལ་སྟོན”་པའི་སྐྱོ་གར་འདི་དག མི་རབས་ཇི་ཙམ་ལ་འཁྲབ འཁོན་འཛིན་དང་འཐབ་མོ རང་ས་བཙན་འོག་བཅུན་པའི་མི་རིགས་ཤིག་གི་བླ་འཁར་ཡིན “ཞེ་སྡང་སེམས་ལ་ཡོད་ཀྱང དགྲ་ལ་དགའ་ཚུལ་སྟོན”་པའི་སྐྱོ་གར་འདི་དག མི་རབས་ཇི་ཙམ་ལ་འཁྲབ གནའ་བོ་ཕོ་བྲང་དང་རྒྱལ་པོའི་མཁར་གྲོང མེས་པོའི་སྐད་ངག་དང་ཕ་མའི་དབྱངས་རྟ ཡིག་དྲུག་ཟློས་བརྗོད་ཀྱི་སྔ་གཞུག་ཏུ་ཅི་འདྲའི་ཡ་ང་བ་ཞིག “ཞེ་སྡང་སེམས་ལ་ཡོད་ཀྱང དགྲ་ལ་དགའ་ཚུལ་སྟོན”་པའི་སྐྱོ་གར་འདི་དག མི་རབས་ཇི་ཙམ་ལ་འཁྲབ ༢༠༡༨/༤/༥ རྒོད་ཅིག་ལ་སྐད་ཆ་བཤད་པ། རྩོམ་པ་པོ་ཞོགས་ལྗང་ལགས་ལ་བྲིས། ཁ་བའི་སྲས། ཕོ་རྒོད་འདི་རི་བོ་ཞིག་ཡིན རླུང་དམར་གྱིས་སྒུལ་མི་ཐུབ ཕོ་རྒོད་འདི་གངས་རི་ཞིག་ཡིན ཐལ་རྡུལ་གྱིས་ནམ་ཡང་རེག་མ་མྱོང ཕོ་རྒོད་འདི་གངས་སེང་ཞིག་ཡིན། ཝ་མོའི་གཡོ་སྒྱུ་ལ་སེམས་པ་གཏོད་མ་མྱོང ཕོ་རྒོད་འདི་མི་རུས་པ་ཅན་ཞིག་ཡིན རུས་པ་སྨྱུ་གུ་ལ་བརྒྱུས་ནས མནར་གཅོད་ཀྱི་ངོ་གདོང་མི་ཡུལ་དུ་བཞེངས གདོང་དམར་ས་ཡ་དྲུག་གི་ཆེད་དུ འགྱོད་པ་སྐྱེས་མ་མྱོང་བའི་ཕོ་རྒོད་རུས་པ་ཅན མགོ་ལ་བྱ་འཕུར་མ་མྱོང་བའི་ང་ཡི་མྱི་རྒོད བཙན་པོའི་ལོ་རྒྱུ་ལ་རྔ་མ་འབྲི་མི་འདོད་པའི་ང་ཡི་མྱི་རྒོད ལོ་རྒྱུས་ཀྱི་ཚེ་སྲོག་རྡོག་རོལ་གཏོང་མ་ཕོད་པའི་ང་ཡི་མྱི་རྒོད མྱི་རྒོད ང་ཡི་མྱི་རྒོད བོད་ཀྱི་མྱི་རྒོད ཁྱེད་ཀྱིས་ངའི་སྙན་ངག་འདི་མ་བཀླག་རོགས སྒེར་གཅོད་པས་ཁྱེད་རང་བསྐྱར་དུ་བཙན་འཁྲིད་བྱེད་སྲིད རང་དབང་དང་མི་རིགས་ཀྱི་དོན་དུ་ང་ཚོ་འཆི་བ་མི་སྐྲག་ཀྱང གཉའ་གནོན་དང་བཙན་དབང་དེ ཉིན་གཅིག་ཁུར་དགོས་ཀྱང་ལོ་དང་བསྐལ་བ་ལས་རིང * ཀ་ཁའི་སྙན་ངག་པ། ཀ་ཁའི་སྙན་ངག་པས་རྟ་བདུན་དབང་པོའི་རྒྱབ་གི་ལྷ་སྒྲུང ཁར་རྩང་རྨི་ལམ་ནང་གི་བུ་མོ་དེ་དང་འདྲ་བ སྔས་མགོ་འཇོག་སྟངས་ནོར་པའི་ཉེས་པ་ལ་བསམས་ནས …