མགོ་མེད་རང་སློང་གི་སྐད་ཆ་གཉིས།

རྩོམ་ཡིག་འདི་ཐེངས་ 97 བཀླགས་འདུག

རྩོམ་པ་པོ་དབེན་པའི་ཁ་ཕྱོགས།

དོ་དགོང་གི་མཚན་མོ་ལྷིང་ཞིང་འཇགས།
ཟླ་བ་ནི་གོར་བཞིན་སྒོར།
ཟླ་འོད་རྩ་ཐང་དུ་འཚེར་བའི་མཚན་མོ་འདིར།
རྩ་ཐང་ནི་སྟོང་ཞིང་འཇགས།
ཡོད་ཚད་ཁུ་སིམ་མེར།
ཐག་རིང་གི་གཞོན་ནུ་མའི་མིག་ཞགས་ཀྱི་འོད་མདངས་ཀྱང་།
ཟླ་འོད་དང་ལྷན་དུ་ལྷིང་ངེར་གྱི་རྩ་ཐང་ལ་ཅེར་བཞིན།
ཐག་རིང་གི་གཞོན་ནུ་དེར།
སྒུག་བཞིན་མཆིས་ན་ཡང་།
རྟའི་འཚེར་སྐད་འགའ་ལས།
རྩ་ཐང་འདི་སྔར་བཞིན་ཁུ་སིམ་མེར།
རྒྱང་རིང་གི་སྙིང་ཉེ་ཁྱེད་སྒུག་ཅིང་མཆིས།

༄༅། །འཚོ་བ་ནི་སྨྲ་མི་ཤེས་པའི་རྟོག་བརྗོད་ཞིག
རེ་བ་ནི་བྱིས་པ་སྣ་ལུབ་ཅན་གྱི་རྨི་ལམ་བཞིན།
རྒྱང་གཡེང་དུ་ཆས་ཀྱིན་འགྲིམ།

མདུན་ངོས་ལམ་ནི་མག་མོག་གི་གཏུམ་བཞིན།
ཅི་ཡོང་ངེས་མེད་ཀྱི་ལམ་འཕྲིན་འདི་རྒྱུད་ཀྱིན།
སྐྱ་ཐེང་ངེར་གྱི་ཀླད་སྟོང་ན་བསམ་ཟད་ཀྱི་ཆུ་བཞིན།
ཅི་ཡོང་བར་འཇིགས་སྣང་དང་།
འཚོ་བའི་སྐྱ་མདོག་འདི་ཅེར་བཞིན།
ངེས་མེད་ཀྱི་མདུན་གྱི་ལམ་མག་མོག་ནང་།
སྒྲོན་མེ་མེད་པར་མདོ་ལ་འགྲིམས་པའི་ང་།

བསམ་ཚུལ་ཕྲིས།

སྐུ་ཉིད་ཀྱི་གློག་འཕྲིན་ཁ་བྱང་གཞན་གྱིས་མཐོང་མི་ཐུབ། སྐར་རྟགས་ཅན་རྣམས་ངེས་པར་དུ་སྐོང་དགོས། *